இந்திய அணி 3 மாதத்தில் 23 போட்டியில் விளையாடுகிறது. இந்திய மண்ணில் வந்து ஆஸ்திரேலியா, நியூசிலாந்து மற்றும் இலங்கை அணிகள் விளையாடுகின்றன. இதில் மூன்று டெஸ்ட் போட்டிகள், 11 ஒருநாள் போட்டிகள் மற்றும் 9 டி20 கிரிக்கெட் போட்டிகள் அடங்கும்.
ஆஸ்திரேலியாவிற்கு எதிராக செப்டம்பர் 17-ந்தேதி முதல் அக்டோபர் 11-ந்தேதி ஐந்து ஒருநாள் மற்றும் மூன்று டி20 கிரிக்கெட் போட்டிகளில் விளையாடுகிறது.
முதல் போட்டி சென்னையில் நடக்கிறது. மற்ற நான்கு போட்டிகள் பெங்களூரு, நாக்பூர், இந்தூர், கொல்கத்தாவில் நடக்கிறது.
நியூசிலாந்துக்கு எதிராக அக்டோபர் 22-ந்தேதி முதல் நவம்பர் 7-ந்தேதி வரை மூன்று ஒருநாள் கிரிக்கெட்டிலும், மூன்று டி20 கிரிக்கெட்டிலும் விளையாடுகிறது.
இலங்கைக்கு எதிராக நவம்பர் 15-ந்தேதி முதல் டிசம்பர் 24-ந்தேதி வரை மூன்று டெஸ்ட், மூன்று ஒருநாள் மற்றும் மூன்று டி20 கிரிக்கெட் போட்டிகளில் விளையாடுகிறது.
இந்த மூன்று நாடுகளுடன் விளையாடிய பிறகு இந்திய அணி தென்ஆப்பிரிக்கா செல்கிறது.
