இத்தீர்ப்பை எதிர்த்து நடராஜன் உள்ளிட்டோர் சென்னை உயர்நீதிமன்றத்தில் மேல்முறையீடு செய்திருந்தனர். இம்மனு மீதான விசாரணை முடிவடைந்த நிலையில் கடந்த 17ஆம் தேதி தீர்ப்பளிக்கப்பட்டது.

விலக்கு கோரி மனு:

அப்போது நடராஜன் உள்ளிட்டோரின் மேல்முறையீட்டு மனு தள்ளுபடி செய்யப்பட்டு 2 ஆண்டு சிறைத் தண்டனை உறுதி செய்யப்பட்டது. அப்போது நடராஜன் சரணடைய அவகாசம் கோரப்பட்டது. ஆனால் நீதிமன்றம் நடராஜனின் கோரிக்கையை நிராகரித்தது.

இந்நிலையில் உடல் நிலையை காரணம் காட்டி நீதிமன்றத்தில் சரண் அடைவதில் இருந்து விலக்கு கோரி உச்ச நீதிமன்றத்தில் நடராஜன் மனு அளித்தார். நடராஜன் மனுவை அவசர வழக்காக பிற்பகல் 2 மணிக்கு விசாரிக்க உச்சநீதிமன்றம் சம்மதம் தெரிவித்தது.

நடராஜன், பாஸ்கரனுக்கு விலக்கு:

இதைத்தொடர்ந்து வழக்கை விசாரித்த சுப்ரீம்கோர்ட் நடராஜன் மற்றும் பாஸ்கரனுக்கு விலக்கு அளித்துள்ளது. சொகுசு கார் இறக்குமதி வழக்கில் உடல்நிலையை கருத்தில் கொண்டு இருவரும் தற்காலிகமாக சிறைக்கு செல்வதில் இருந்து சுப்ரீம்கோர்ட் நீதிபதி தீபக் குப்தா விலக்கு அளித்துள்ளார்.

சசிகலாவின் கணவரான நடராஜனுக்கு அண்மையில் கல்லீரல் மற்றும் சிறுநீரக மாற்று அறுவை சிக்சை செய்யப்பட்டது. இதனைக் காரணம் சொத்துக்குவிப்பு வழக்கில் பெங்களூரு சிறையில் அடைக்கப்பட்டுள்ள சசிகலா அண்மையில் பரோலில் வந்தார் என்பது குறிப்பிடத்தக்கது.