நடிகை சாயிஷா ஜெயம் ரவியுடன் ‘வனமகன்’ என்ற படத்தில் நடித்து வருகிறார். இந்தப் படம் வெளியாவதற்கு தயாராக உள்ளது. அடுத்ததாக பிரபுதேவா இயக்கத்தில் விஷால், கார்த்தி, ஆர்யா நடிக்கும் ‘கருப்புராஜா வெள்ளைராஜா’ படத்தில் நடிக்க ஒப்பந்தமாகியுள்ளார்.
நடிகை சாயிஷா சைகல் பிரபல பாலிவுட் நடிகர் திலீப்குமாரின் பேத்தியாவார். தமிழ் திரையுலகில் அவருக்கு நல்ல வரவேற்பு இருப்பதால், முதற்கட்டமாக டியூஷன் மூலம் தமிழில் சரளமாகப் பேச கற்று வருகிறார். தெலுங்கில் நாகார்ஜூனின் இளைய மகன் அகில் நடித்த ‘அகில்’ படத்தின் மூலமாக திரையுலகுக்கு அறிமுகமானவர் நடிகை சாயிஷா.
இவர் தமிழில் ‘வனமகன்’ படம் மூலம் அறிமுகமாகிறார்.
