நடிகையும் முன்னாள் எம்.பி.,யுமான ரம்யா உடல்நலக் குறைவு காரணமாக பெங்களூரு மருத்துவமனையில் அனுமதிக்கப்பட்டுள்ளார்.
தமிழில் குத்து, கிரி, பொல்லாதவர்ன், வாரணம் ஆயிரம் உள்ளிட்ட படங்களில் நடித்த நடிக்கை திவ்யா ஸ்பந்தனா. இவர் ரம்யா என்ற பெயரில் நடித்து வந்தார். மேலும் காங்கிரஸ் கட்சியின் எம்.பி ஆகவும் இருந்தவர். கடந்த லோக்சபா தேர்தலில் கர்நாடகா, மாண்டியா தொகுதியில் போட்டியிட்ட ரம்யா தோல்வியை தழுவினார்.
ரம்யா நேற்று உடல்நலக்குறைவு காரணமாக பெங்களூருவில் உள்ள மருத்துவமனையில் அனுமதிக்கப்பட்டார். இதுகுறித்து பேசிய மருத்துவர்கள், அவர் சாப்பிட்ட உணவு விஷமாக மாறியிருப்பதாகவும், அவருக்கு சிறப்பு சிகிச்சை பிரிவு மருத்துவர்கள் சிகிச்சை அளித்து வருகின்றனர். அவருக்கு நீண்ட ஓய்வு தேவை என தெரிவித்தனர். இந்நிலையில் ரம்யா அனுமதிக்கப்பட்ட மருத்துவமனைக்கு, காங்கிரஸ் தலைவர்கள், தொண்டர்கள் வந்த வண்ணம் உள்ளனர்.
