தமிழ் சினிமாவில் கை நிறைய படங்களோடு முன்னணி நடிகையாக வலம் வந்து கொண்டு இருக்கும் நடிகை ஹன்சிகா. தற்போது சிம்புவுடன் ‘‘வாலு‘‘, ‘‘வேட்டை மன்னன்’’ என இரண்டு படங்களில் ஜோடியாக நடித்து வருகிறார்.
நயன்தாராவுடனான காதல் முறிவுக்கு பின்னர் சிம்பு, ஹன்சிகாவை காதலிப்பதாக சில மாதங்களாகவே கோலிவுட்டில் ஒரு செய்தி வலம் வந்து கொண்டு இருக்கிறது. ஆனால் இதனை இருவரும் மறுத்து வந்தனர். இந்நிலையில் கடந்த வாரம் ஒரு வார இதழுக்கு பேட்டியளித்த சிம்புவின் தந்தை டி.ராஜேந்தர், தனது மகன் யாரை காதலித்தாலும் சரி, அது ஹன்சிகாவாக இருந்தாலும் சரி அவரது காதலுக்கு நான் எதிர்ப்பு தெரிவிக்க மாட்டேன்” என்று கூறியிருந்தார்.
அடுத்த சில நாட்களிலேயே நான் சிம்புவை காதலிக்கவில்லை, எங்களுக்குள் இருப்பது வெறும் நட்பு மட்டும் தான், என் பெற்றோர் பார்க்கும் மாப்பிள்ளையைத்தான் திருமணம் செய்வேன் என்று ஹன்சிகா கூறியிருந்தார். ஆனால் இப்போது நிலைமையே வேறு. நாங்கள் காதலிக்கிறோம் என்று கூறியுள்ளனர் சிம்புவும் ஹன்ஷிகாவும்.
சிம்பு தனது டுவிட்டர் பக்கத்தில், “ஆமாம் நான் ஹன்சிகா கூடத்தான் இருக்கிறேன். ரொம்ப நல்ல பொண்ணு ஹன்சிகா, நாங்கள் திருமணம் செய்வது பற்றி விரைவில் எங்களது பெற்றோர் முடிவு செய்ய உள்ளனர், எங்களது தனிப்பட்ட சுதந்திரத்திற்கு மதிப்பு கொடுங்கள்” என்று கூறியுள்ளார்.
சிம்பு ட்வீட் செய்த அடுத்த சில நிமிடங்களில், “எனது சொந்த வாழ்க்கையை பற்றி நிறைய கிசுகிசுக்கள் வெளிவருகின்றன. இப்போது அதை தெளிவுப்படுத்துகிறேன். ஆமாம், நான் சிம்புவை காதலிக்கிறேன். இதற்கு மேல் எனது சொந்த விஷயங்களை நான் பேச முடியாது” என்று ஹன்சிகாவும் ட்வீட் செய்துள்ளார்.
