இயக்குனர் சற்குணம் தயாரிக்கும் ‘மஞ்சப்பை’:
இயக்குனர் சற்குணம் தற்போது தயாரிப்பில் இறங்கியுள்ளார். தனது முதல் தயாரிப்பில் தன்னிடம் உதவி இயக்குனராக பணிபுரிந்த ராகவன் என்பவரை அறிமுகப்படுத்துகிறார். நடிகர் விமல் நாயகனாக நடிக்கிறார். ‘கும்கி’ லக்ஷ்மி மேனன் நாயகியாக நடிக்கிறார். முக்கியமான வேடத்தில் ராஜ்கிரண் நடிக்கிறார். படத்திற்கு “மஞ்சப்பை” என்று பெயர் சூட்டியுள்ளனர்.
இயக்குனர் சற்குணத்தின் தம்பி நந்தகுமார் இந்தப் படத்தை தயாரிக்க, சற்குணத்தின் உதவி இயக்குனர் ராகவன் படத்தை இயக்குகிறார். பூஜையுடன் பிப்ரவரியில் ஆரம்பிக்கிறது “மஞ்சப்பை”. பூஜைக்கு முன்பே படத்தை வாங்கி விட்டது லிங்குசாமியின் திருப்பதி பிரதர்ஸ்.
