பெட்ரோல், டீசலின் விலையை, எண்ணெய் நிறுவனங்கள், மாதத்தின், முதல் மற்றும், 16ம் தேதிகளில் மாற்றி அமைத்து வந்தன. சர்வதேச சந்தைக்கு ஏற்ப, இந்த மாற்றங்கள் இருந்தன. சண்டிகர், ஜாம்ஷெட்பூர், புதுச்சேரி, உதய்பூர், விசாகப்பட்டினம் ஆகிய நகரங்களில், இவற்றின் விலையை தினமும் மாற்றி அமைக்கும் திட்டம் சோதனை அடிப்படையில், மே, 1ல் அறிமுகம் செய்யப்பட்டது.
இந்நிலையில் இன்று முதல், நாடு முழுவதும், பெட்ரோல், டீசல் விலை, தினமும் மாற்றி அமைக்கப்பட உள்ளது. ஒவ்வொரு நாளும், காலை 6:00 மணிக்கு, இவற்றின் விலை நிர்ணயிக்கப்படும்.
இந்த நிலையில், மாதத்தின் இருமுறை விலையை மாற்றி அமைக்கும் திட்டத்தின் கீழ், பெட்ரோல், டீசல் விலை நேற்று குறைக்கப்பட்டுள்ளது. ‘வாட்’ வரி இல்லாமல், பெட்ரோல் விலை, லிட்டருக்கு, 1.12 ரூபாயும், டீசல் விலை, லிட்டருக்கு, 1.24 ரூபாயும் குறைந்துள்ளது; இது, காலை 6 மணி முதல் அமலுக்கு வருகிறது.
