மலையாள திரையுலகில் படங்களை தேர்வு செய்து வெற்றி நாயகனாக வலம் வரும் துல்கர் சல்மான் தற்போது தயாரிப்பாளராகவும் மாறியுள்ளார். ஒரு தயாரிப்பாளராக தனது ‘Wayfarer Films’ நிறுவனம் மூலம் தரமான படங்களை தயாரித்துள்ளார்.
தற்போது தனது நிறுவனம் மூலம் “Production No 4” படத்தை தயாரித்துள்ளார். இப்படத்தில் ஷைனி டாம் சாக்கோ, துருவன், அஹானா கிருஷ்ணா உட்பட முக்கிய நடிகர்கள் நடித்துள்ளனர். பிரசோப் விஜயன் இயக்க, ரதீஷ் ரவி எழுத்து பணிகளை செய்துள்ளார். “96” படப்புகழ் கோவிந்த் வசந்தா இப்படத்திற்கு இசையமைத்துள்ளார்.
துல்கர் சல்மானின் அர்ப்பணிப்பு மற்றும் முழு ஆதரவில், படக்குழுவின் உதவியில் இப்படத்தின் படப்பிடிப்பு 50 நாளில் முடிக்கப்பட்டது. அதிலும் கோவிட் பொதுமுடக்க சிக்கல்கள் நிறைந்த நிலையில் இத்தனை விரைவாக படப்பிடிப்பு முடிக்கப்பட்டது ஆச்சர்யத்த்தை ஏற்படுத்தியுள்ளது. இதனை கொண்டாடும் வகையில் படக்குழுவில் அனைவருக்கும் பரிசுகள் வழங்கி அனைவரையும் பெரும் மகிழ்ச்சியில் ஆழ்த்தியுள்ளார் நடிகர் துல்கர் சல்மான். ஆச்சர்யத்தியில் ஆழந்த நடிகர் ஷைனி டாம் சாக்கோ, உடனடியாக நடிகர் துல்கர் சல்மான் மற்றும் அவரது மனைவி அமல் ஷுஃபியா அவர்களுக்கு நன்றி தெரிவித்தார்.
இப்படத்தின் முழு படப்பிடிப்பும் அலுவா பகுதியின் கண்கவர் பகுதிகளில், கோவிட்- 19 வழிகாட்டு விதிமுறைகள் அனைத்தும் முறையாக கடைபிடிக்கப்பட்டு 50 நாளில் படமாக்கப்பட்டது.