இந்தியா – நெதர்லாந்து ஹாக்கி அணிகளுக்கு இடையிலான மூன்று போட்டிகள் கொண்ட தொடர் நடைபெற்று வருகிறது. நேற்று நடைபெற்ற முதல் போட்டியில் இந்தியா 4-3 என வெற்றி பெற்றது.
இந்நிலையில் இன்று 2-வது ஆட்டம் நடைபெற்றது. வலுவான நெதர்லாந்து அணிக்கெதிராக புதுமுகங்களை கொண்ட இந்திய அணி சிறப்பாக விளையாடியது.
ஆட்டம் தொடங்கிய 4-வது நிமிடத்தில் குர்ஜாந்த் சிங் முதல் கோலை பதிவு செய்தார். அதன்பின்னர் இரு அணி வீரர்களும் கோல் அடிக்கவில்லை.
ஆட்டத்தின் 51-வது நிமிடத்தில் மந்தீப் சிங் மேலும் ஒரு கோல் அடித்தார். இதனால் இந்தியா 2-0 என முன்னிலைப் பெற்றது.
ஆட்ட நேரம் முடிவதற்கு சற்று முன் நெதர்லாந்து அணி ஒரு கோல் அடித்தது. இதனால் இந்தியா 2-1 என வெற்றி பெற்றது. முதல் போட்டியில் வெற்றி பெற்றிருந்ததால் இந்த வெற்றியுடன் இந்தியா தொடரை 2-0 என கைப்பற்றியுள்ளது.
