மதுரை உயர் நீதிமன்றம் நடிகர் தனுஷை உரிமை கொண்டாடும் வழக்கை மார்ச் 20-ம் தேதிக்கு ஒத்திவைத்துள்ளது. சிவகங்கையின் திருப்புவனத்தை சேர்ந்த கதிரேசன், மீனாட்சி தம்பதி நடிகர் தனுஷ் தங்களின் மகன் என மேலூர் நீதிமன்றத்தில் வழக்கு தொடர்ந்தனர். இதை ரத்து செய்ய கோரி தனுஷ் மதுரை உயர் நீதிமன்ற கிளையில் மனு தாக்கல் செய்தார்.
இந்த வழக்கில் சிவகங்கையின் திருப்புவனத்தை சேர்ந்த கதிரேசன்,மீனாட்சி சார்பில் பல ஆதாராங்கள், சான்றிதழ்கள் சமர்பிக்கப்பட்டது. அவற்றில் உள்ள அங்க அடையாளங்கள் தனுஷின் உடலில் உள்ளதா? என உறுதி செய்ய அவரை நேரில் ஆஜராக நீதிமன்றம் உத்தரவிட்டது.
இதையடுத்து கடந்த 2-ஆம் தேதி நடிகர் தனுஷ் நேரில் ஆஜரானார். இந்தநிலையில் தனுஷ் வழக்கு மீண்டும் விசாரணைக்கு வந்தது. அப்போது தனுஷ், அவரை உரிமை கொண்டாடும் தம்பதி சார்பில் தனி அறையில் நீதிபதி முன் வாதம் நடந்தது.
இதை கேமிராவில் பதிவு செய்தததுடன், சுமார் 1 மணி நேரம் 20 நிமிடங்கள் வாதத்துக்கு பின் இந்த வழக்கை வரும் 20-ம் தேதிக்கு ஒத்திவைத்துப்பதாக நீதிபதிகள் உத்தரவிட்டனர்.
