பொன்மகள் வந்தாள்- விமர்சனம் இதோ..

பாண்டியராஜனுக்குப் படத்தில் பெரிய வேலையில்லை. ஆனாலும், நீதிபதியையே இடித்துரைக்கும் காட்சியில் நியாயத்தின் தராசாக நிற்கிறார். வழக்கமான கதாபாத்திரம் என்றாலும் வில்லத்தனத்தில் குறையில்லாமல் மிரட்டியுள்ளார் தியாகராஜன். குழந்தையைப் பறிகொடுத்த துக்கத்தில் ஓலமிடும் செம்மலர் அன்னத்தின் அழுகை இதயத்தில் ஈரம் கசியச் செய்கிறது. ராம்ஜியின் ஒளிப்பதிவும், கோவிந்த வசந்தாவின் இசையும் பின்னணியும் படத்துக்குக் கூடுதல் பலம் சேர்த்துள்ளன. ரூபனின் எடிட்டிங் நேர்த்தியின் உச்சம். இந்தியா முழுவதிலும் தினம்தோறும் நடைபெறும் பெண்களுக்கு எதிரான பாலியல் குற்றங்களை எத்தனை சட்டம் கொண்டு வந்தாலும். எத்தனை தீர்ப்புகளை அளித்தாலும். எத்தனை குற்றவாளிகளை தண்டித்தாலும் நிறுத்த முடியவில்லை. இதனாலேயே இது போன்ற திரைப்படங்களை மக்கள் மத்தியில் கொண்டு வரவிட்டு இதனை பார்வையிட வைத்து குற்றம் நடப்பதற்கு முன்பே தடுக்கும் முயற்சியாக ஈடுபடுவது மிகச் சிறந்த சமூக சேவைதான். அந்த வகையில் பொன்மகள் வந்தாள் ஒரு பொக்கிஷம்