பிரைவேட் ஜெட் என்றாலும் பூஜை போட்டு தான் வண்டியை ஸ்டார்ட் பண்ணுவோம்: வைரலாகும் இன்ஸ்டா வீடியோ!

பெங்களூரு விமான நிலையத்தில் நின்றிருந்த Gulfstream G280 எனும் லட்சக்கணக்கான ரூபாய் மதிப்புள்ள தனியார் விமானத்திற்கு இந்து மரபு முறையில் விசேஷ பூஜை நடந்தது. இந்த வீடியோவை, அந்த பூஜையை நடத்திய பிரபல வேத பரிகார நிபுணரான பண்டிட் சந்திரசேகர் ஷர்மா அவரே தனது இன்ஸ்டாகிராம் பக்கத்தில் பகிர்ந்துள்ளார்.

வீடியோவில், பண்டிட் சந்திரசேகர் ஷர்மா விமானத்தின் முன்புறம் அமர்ந்து வேத மந்திரங்கள் உச்சரித்து, ஹோமம் நிகழ்த்துகிறார். பின்னர், விமானத்தின் முன்பாக திலகம் வைத்து பூஜை செய்தார். விமானத்திற்குள் சென்று விநாயகர், மகாலட்சுமி மற்றும் சரஸ்வதி தேவியின் சிலைகளுக்கு பூஜை நடத்தினார்.


இதனை விமானத்தின் உரிமையாளர் மற்றும் பைலட் அமைதியாக பார்த்து கொண்டிருந்தனர். அதன் பின் பூஜையின் இறுதியில் விமானத்தின் வெளிப்புறத்தில் மாலை அணிவிக்கப்பட்டது. அந்த ஜெட்டின் உரிமையாளர் பாண்டிட் ஷர்மாவுடன் மகிழ்ச்சியாக செல்ஃபி எடுத்ததும் அந்த வீடியோவில் இடம்பெற்றது.

அந்த விமானத்தின் உரிமையாளர் யார் என்பதற்கான தகவல்கள் வெளிவரவில்லை. ஆனால் அந்த விமானம் அமெரிக்காவின் சான் மரினோவில் உள்ள Empire Aviation-இன் பெயரில் பதிவு செய்யப்பட்டுள்ளதாகத் தெரிவிக்கப்பட்டுள்ளது. மேலும் அந்த விமானம் இந்தியாவிற்கு பூஜைக்காக கொண்டுவரப்பட்டிருப்பதால், அந்த உரிமையாளர் இந்தியச் தொழிலதிபராக இருக்கலாம் எனக் கூறப்படுகிறது.

Gulfstream G280 என்பது 10 பேர் அமரக்கூடிய உலகத் தரமான பிரத்தியேக ஜெட் விமானமாகும். ரூ.150 கோடி முதல் ரூ.200 கோடி வரை மதிப்புள்ள இந்த விமானம், Honeywell HTF7250G எனும் இரண்டு இஞ்ஞின்களுடன் சுமார் 900 கிமீ/மணி வேகத்தில் 6,667 கிமீ தூரம் பறக்கக்கூடியது. தொழில்நுட்ப வசதிகளில் Rockwell Collins ProLine Fusion அவியோனிக்ஸ் அமைப்பு, மாப் டிஸ்ப்ளே, கெர்சர் கன்ட்ரோல் உள்ளிட்டவை உள்ளன.

இதற்கு முன்பும் இப்படி விமானங்களுக்கு பூஜை நடந்துள்ளது. ஹைதராபாதைச் சேர்ந்த தொழிலதிபர் போயின்பல்லி ஸ்ரீனிவாஸ் ராவ், ரூ.50 கோடி மதிப்புள்ள Airbus ACH-135 ஹெலிகாப்டருக்கு யாதாத்ரி லட்சுமி நரசிம்ம சுவாமி கோவிலில் பூஜை செய்திருந்தார். ஒரு சாதாரண Piper Cherokee 140 விமானத்திற்கும் கடந்த ஆண்டு இந்து பூஜை நடந்தது என்பது குறிப்பிடத்தக்கது.

இந்த சம்பவம், இந்தியாவில் சமய மரபுகளை எவ்வாறு நவீன சாதனங்களுடனும் இணைத்து கொண்டாடுகிறார்கள் என்பதை விளக்கும் வகையில் சமூக வலைதளங்களில் பரபரப்பை ஏற்படுத்தியுள்ளது.