சீனாவில் ஒரு இளம் பெண், வீட்டுப்பாடத்தை சரியான நேரத்தில் முடிக்காததால் தனது தாயார் திட்டியதால், அமைதியாக இருக்க வாஷிங் மெஷினுக்குள் நுழைந்ததால், உள்ளே சிக்கிக்கொண்டார்.
சவுத் சைனா மார்னிங் போஸ்ட் வெளியிட்டுள்ள செய்தியின்படி, இந்த சம்பவம் மார்ச் 30-ம் தேதி கிழக்கு சீனாவின் ஜியாங்சு மாகாணத்தில் நடந்துள்ளது.
வாஷிங் மெஷினில் துணி துவைக்கும் லோடிங் பகுதிக்குள் நுழைந்த பிறகு, தன்னால் நகர முடியவில்லை என்பதை உணர்ந்த சிறுமி, தனது தாயை அழைத்துள்ளார். அவருடைய தாய் சிறுமியை விடுவிக்க முயற்சி செய்தார். ஆனால், அது பலனளிக்கவில்லை. மகள் வாஷிங் மெஷினில் சிக்கிக்கொண்டதால், அந்த தாய் அவசர சேவைகளை உதவிக்கு அழைத்தார்.
இதையடுத்து, தீயணைப்பு வீரர்கள் வந்தனர். சிறுமி வலியால் அழுதுகொண்டே “வலிக்கிறது!” என்று கத்திக் கொண்டிருந்ததாக கூறப்படுகிறது. மீட்புக் குழு, சலவை இயந்திரத்தை அகற்ற முடிவு செய்தது. ஏனெனில், சிறுமியை வெளியே இழுத்தால் மேலும் காயம் ஏற்படக்கூடும்.
தீயணைப்பு வீரர்கள் வாஷிங் மெஷினின் வெளிப்புற பாகத்தை கவனமாக அகற்றி, சிறுமியை ஒரு போர்வையால் மூடி, ஹைட்ராலிக் கட்டர்களைப் பயன்படுத்தி கவனமாக உறையைத் திறந்தனர்.
சிறுமியை மீட்கும் முழு நடவடிக்கையும் 16 நிமிடங்கள் நடந்துள்ளது. மீட்புப் பணியாளர்கள் சிறுமியை அமைதியாக இருக்குமாறு சமாதானப்படுத்தியதாக எஸ்.சி.எம்.பி செய்தி தெரிவித்துள்ளது.
சிறுமி எந்தப் பெரிய காயமும் இல்லாமல் விடுவிக்கப்பட்டார். இந்தச் சம்பவத்திற்குப் பிறகு சிறுமியும் அவருடைய தாயாரும் சமரசம் செய்து கொண்டார்களா என்பது தெளிவாகத் தெரியவில்லை என்றாலும், சீன சமூக ஊடகங்களில் இந்த சம்பவம் ஒரு சர்ச்சையைத் தூண்டியது. பலர் இந்த முழு நிகழ்வையும் “வேடிக்கையானது” என்று கருதினர்.
மார்ச் மாதத்தில் இதேபோன்ற ஒரு சம்பவம் நிகழ்ந்தது. ஷான்டாங் மாகாணத்தில் நான்கு வயது சிறுவன் ஒருவன் “சாகசத்திற்காக” ஒரு பூங்காவில் உள்ள மனித வடிவ சிலையின் மீது ஏறி தலையில் சிக்கிக்கொண்டான். ஆனால் அவனது தலை சிக்கிக் கொண்டது. தீயணைப்பு வீரர்கள் 10 நிமிடங்கள் அவனை வழிநடத்தி, அவனது உடலை பாதுகாப்பாக நிலைநிறுத்தி, சிலைக்கு சேதம் ஏற்படாமல் விடுவித்தனர்.
பிப்ரவரி மாத தொடக்கத்தில், தெற்கு சீனாவின் ஹைகோவில் 12 வயது சிறுவன் ஒருவன் பள்ளி முடிந்து வீட்டிற்கு குறுக்குவழியாக செல்ல முயன்றபோது தலை வேலியில் சிக்கிக்கொண்டதாக தி சன் செய்தி வெளியிட்டுள்ளது.
