கள்ளக்குறிச்சி விஷச்சாராய சம்பவத்தில் 6 பெண்கள் உயிரிழந்த விவகாரம் தொடர்பாக ஊடகங்களில் வெளியான செய்தி அடிப்படையில் தேசிய மகளிர் ஆணையம் தாமாக முன்வந்து விசாரணை மேற்கொண்டு வருகிறது.
இதற்காக தேசிய மகளிர் ஆணைய உறுப்பினர் குஷ்பூ தலைமையில் 3 பேர் கொண்ட குழு அமைக்கப்பட்டு விசாரணை நடந்து வருகிறது.
இந்நிலையில், இதுகுறித்த செய்தியை X பக்கத்தில் பகிர்ந்துள்ள ஒரு திமுக ஆதரவாளர் ஸ்ரீ வித்யா என்பவர், “Black wine குடிக்கும் குஷ்புவுக்கு தான் இதனை விசாரிக்கும் முழு தகுதியும் உண்டு. நீங்க விசாரிங்க மேடம்” என்று விமர்சித்து இருந்தார்.
அதற்க்கு, அக்கா நீங்க ஊத்தி குடுத்தீங்களா? என்று திமுக ஆதரவாளர் ஸ்ரீ வித்யாவிற்கு பதிலடி கொடுத்துள்ள தேசிய மகளிர் ஆணைய உறுப்பினர் குஷ்பு, ஒரு பெண்ணாக நீங்கள் இதைச் சொல்லும்போது, உங்கள் முதலாளியை (திமுக தலைமையை) மகிழ்விக்க நீங்கள் எவ்வளவு ஆசைப்படுகிறீர்கள் என்பதை இது காட்டுகிறது.
ஒருவேளை நீங்கள் இந்த கலாச்சாரத்திற்கு ஆளான சூழலில் வளர்ந்திருக்கலாம். என் வாழ்நாளில் நான் மதுவைத் தொட்டதே இல்லை என்பது உலகுக்குத் தெரியும். மேலும் இதற்காக உங்கள் மீது அவதூறு வழக்கு பதிவு செய்கிறேன்.
முதல்வர் ஸ்டாலின் அவர்களே, பொது மேடையில் ஒரு பெண்ணை இழிவுபடுத்துவதற்கு இருமுறை யோசிக்காத உங்கள் கட்சி இது. நான் உங்கள் கட்சியில் இருந்தபோது இதற்கு ஆளானேன். எதுவும் மாறவில்லை. திமுகவின் இந்த கேவலமான கலாச்சாரத்தை பார்க்க கலைஞர் அருகில் இல்லை.
Akka neenge oothi kuduthingala? Being a woman when you say this, it just shows how desperate you are to please your boss. Probably you grew up in an environment where you have been subjected to this culture. The world knows I have never touched alcohol in my life. And lady, I am… https://t.co/rVGsBRyCa9
— KhushbuSundar (@khushsundar) June 27, 2024
தி.மு.க., போக்கிரிகளின் கட்சியாக உள்ளது, சம்பளம் வாங்கும் தரகர்களின் கட்சியாக மாறியுள்ளது, அவர்களின் அக்கிரமங்களை காக்க இதுதான் ஒரே வழி என்று நம்புகின்றனர்.
இவர்கள் எவ்வளவு மலிவானவர்கள், மூளையற்றவர்கள் என்பது அவர்களுக்கு நிச்சயமாகத் தெரியும். பாதுகாப்பற்ற கோழைகள் தங்களைப் பாதுகாத்துக் கொள்ள பெண்களை இழிவுபடுத்தும் கலாச்சாரம் இது. முதுகுத்தண்டு இல்லாத முதல்வர் ஸ்டாலினை பார்க்க வெட்கமாக இருக்கிறது.
Mr @Udhaystalin this is your party. Are you not the youth minister? Is this how your party members are trained? Extremely disappointing to see this. Your party is a mess with people of such low life, which includes women too. Do not forget, such filthy creatures won't think twice… https://t.co/rVGsBRy4kB
— KhushbuSundar (@khushsundar) June 27, 2024
உதயநிதி ஸ்டாலின் இது உங்கள் கட்சி. நீங்கள் இளைஞர் அமைச்சர் இல்லையா? உங்கள் கட்சிக்காரர்களுக்கு இப்படித்தான் பயிற்சி கொடுக்கிறீர்களா?
உங்கள் கட்சியில் உள்ள பெண்கள், உங்கள் தாயையோ, மனைவியையோ, சகோதரியையோ இப்படி அழைப்பதற்கு முன் இருமுறை யோசிக்க மாட்டிர்களா.
அவர்களும் என்னைப்போல் அரசியல் பொதுவாழ்க்கைக்கு வெளியே வந்தால் இன்னும் அதிகமாக இழிவான கருத்துக்களைக் கூற மாட்டார்கள் என்பதை மறந்துவிடாதீர்கள். உங்கள் கட்சி மீது எனக்கு இருந்த கொஞ்ச நஞ்ச மரியாதையும் இப்போது பறந்துவிட்டது” என்று குஷ்பு தெரிவித்துள்ளார்.
