ஸ்காட்லாந்தில் உள்ள கிளாஸ்கோ நகரில் உலக பாட்மிண்டன் சேம்பியன்ஷிப் தொடர் நடைபெற்று வருகிறது. நேற்று நடைபெற்ற பெண்களுக்கான இரண்டாவது அரையிறுதி போட்டியில் 4வது இடத்தில் இருக்கும் இந்தியாவின் முன்னணி பாட்மிண்டன் வீராங்கனையான பி.வி.சிந்து 10வது இடத்தில் உள்ள சீனாவின் சென் யூபே-வை எதிர்கொண்டார்.
ஆட்டத்தின் தொடக்கத்தில் இருந்தே அதிரடியாக ஆடிய சிந்து 21-13, 21-10 என்ற நேர் செட் கணக்கில் வெற்றி பெற்று இறுதிப் போட்டிக்குள் நுழைந்தார். இந்த போட்டியில் சீனாவை சேர்ந்த சென் யூபே-வை சிந்து 48 நிமிடத்தில் வெற்றி பெற்றார். இறுதி ஆட்டத்தில் சிந்து ஜப்பானின் நசோமி ஒகாராவை சந்திக்கிறார். இந்த போட்டியில் அவர் வெற்றி பெறாவிட்டாலும் வெள்ளி பதக்கம் கிடைப்பது உறுதியாகி உள்ளது. இது இவரது 3-வது பதக்கமாகும்.
ஏற்கனவே 2013 மற்றும் 2014-ல் நடந்த உலக சாம்பியன்ஷிப் போட்டியில் சிந்து வெண்கலப் பதக்கம் வென்றவர் என்பது குறிப்பிடத்தக்கது.
