ஹன்சிகாவின் மஹா படத்தின் புதிய போஸ்டராலும் சர்ச்சை கிளம்பியுள்ளது.
ஜமீல் இயக்கத்தில் ஹன்சிகா நடித்து வரும் படம் மகா. ஹீரோயினை மையமாக வைத்து எடுத்து வரும் இந்த படத்தின் முதல்கட்ட படப்பிடிப்பு நிறைவடைந்துள்ளது.
படத்தின் ஃபர்ஸ்ட் லுக் போஸ்டரில் ஹன்சிகா காவி உடை அணிந்து தம்மடித்ததால் சர்ச்சை கிளம்பியது.
ஃபர்ஸ்ட் லுக் போஸ்டரை பார்த்தவர்கள் நீங்கள் ஒரு முஸ்லீம் என்பதால் ஹீரோயினுக்கு காவி கொடுத்து புகைப்பிடிக்க வைத்துள்ளீர்கள். ஏன் அவருக்கு பர்தா போட்டுவிட்டு தம்மடிக்க வைத்திருக்க வேண்டியது தானே என்று இயக்குனர் ஜமீலை சமூக வலைதளங்களில் விளாசினார்கள். படத்திற்கு சாதி, மத சாயம் பூச வேண்டாம் என்று ஜமீல் கேட்டுக் கொண்டது யார் காதிலும் விழவில்லை.
கிறிஸ்துமஸ் வாழ்த்து தெரிவித்து வெளியிடப்பட்ட செகண்ட் லுக் போஸ்டரில் ஹன்சிகா தலையில் முக்காடு போட்டு தொழுதபடி போஸ் கொடுத்துள்ளார். பின்னால் மற்றொரு ஹன்சிகாவின் கையில் துப்பாக்கி உள்ளது. துப்பாக்கியால் இந்த போஸ்டரும் சர்ச்சையில் சிக்கியுள்ளது.
